Blogintza Euskal egitasmoak

www.blogetan.eus guztiz berrituta!

blogetan-guneberria-2017

Euskal blogarientzat eta blogen irakurleentzat erreferentzia gune bat sortzea da. www.blogetan.eus en helburu nagusia; blog desberdinetako edukiak automatikoki bilduko dituen ataria, orden kronologiko eta kategoriaka sailkatuta eta pertsonalizatzeko aukera eskaintzen duena.

Azkue Fundazioak eta Argia aldizkariak Blogetan! blog izarren bila euskarazko blogak saritzeko antolatzen duten lehiaketa da. Gaur arte, bi txapelketa ospatu dira eta honi esker blogari zein irakurleen artean erreferentzia sortzea lortu da. Erreferentzialtasuna mantentzeko asmoz, www.blogetan.eus ataria urtean zehar elikatzea eta eguneratzea erabaki dugu. Horretarako blog desberdinetako edukiak automatikoki bilduko dituen ataria sortu dugu.

Webgunearen helburu nagusia euskal blogarientzat eta blogen irakurleentzat erreferentzia gune bat sortzea da. www.blogetan.eus en ezaugarri nagusiak lau dira: Euskal Blogarien bilduma; Pertsonalizatutako edukiak; Blogarien datu basea eta Blogetan lehiaketa.

blogetan-1

Honetarako Euskal Blogarien bilduma atalean, euskaraz aurki ditzakegun blogetako edukia bilduko duen webgune bakarra izatea da helburua. Webgunearen azalean, datu basean dauden blogen edukiak bilduko dira orden kronologikoan. Euskarazko edozein blogetan argitaratzen den azken edukia, www.blogetan.eus en lehenengo lekuan agertuz.

Blogak kategoriaka sailkatuta daude: teknologia, kultura, zientzia, politika, aisia eta gizartea; eta kategoria bakoitzak, azpikategoria ezberdinetan sailkatuta dago. [Programak kategoriak eta azpikategoriak gehitzeko aukera  eskaintzen du.]

blogetan-2

Erabiltzaileek nahi duten gaiarekin lotutako edukiak irakurtzeko aukera izango dute, filtro ezberdinei esker.

Pertsonalizatutako edukiak, hau da proiektuak eskeintzen duen berritasunik nabarmenena. Erabiltzaile bakoitzak gune pribatu bat izan dezake webgunean eta bertan, berak nahi dituen blogetako edukiak bakarrik jasoko ditu. Edozein norbanakok, erabiltzaileak sortu ahal izango duela [bere posta elektronikoaren bidez].

blogetan-3

Sare sozialetan bezala, erabiltzaile bakoitzak, datu basean dauden blogarietatik nahi dituena jarraitu ahalko ditu eta horrela hautatutako blogen edukiak jasoko du.

Gainera, erabiltzaileek webgune honetan agertzen ez diren blogak edota blog berriak proposatu dezakete, proposamenak ataleko formularioa osatuz.

 

blogetan-5

Eta Blogetan! Blog izarren bila lehiaketak atal berezia du webgunean bertan, eta aurreko edizioen informazioa eta hurrengo edizioaren berri irakurtzeko aukera eskainiko zaie erabiltzaileei.

 

 

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkina idatzi nahi baduzu