Berrikuntza teknologikoak

WhatsApp-era iristeke dauden berrikuntzak

whatsapp

Azken hilabeteotan ikusitakoa nahikoa ez eta, aste batzuen buruan WhatsApp aplikazioak hiru berrikuntza jarriko ditu martxan. Zeintzuk izango diren jakin nahi duzu? Erabiltzaile bezala, eragina izango dute zure jardueran. Beraz… adi!

whatsapp

 

WhatsApp-ek Facebook Messengerren antza baino, momentura arte egindako aldaketek,  Snapchat aplikazioaren antza handiagoa izango duelaren susmoa sortu digute. WhatsApp deiak, WhatsApp story-ak… oraingoan Mark Zuckerbergek beste zerbaitekin txunditu nahi ditu erabiltzaileak.

Publizitatea

Reuters agentziak aurreratu duenez, WhatsApp aplikazioak publizitatea izango du. Enpresak zuzenean jarri ahalko dira erabiltzaileekin kontaktuan profil ofizialen bitartez. Gure datuak Facebook-ekin sinkronizatuta egonik, bereziki aukeratutako publizitatea jasoko dugula adierazi du Reuters enpresak.

“WhatsApp Businness” izango ei da berrikuntzaren izena. Enpresek kontu bat sortzeko baliabidea izango dute eta horrela nahi adina erabiltzaileri mezua bidaltzeko aukera lortu.

Spam-ak, baina, ez du tokirik izango. Konpainiak ez du publizitate-inbasibo-igorle bihurtu nahi. Hori horrela ez balitz, Telegramek aukera ezinhobea luke erabiltzaile kopurua biderkatzeko.

whatsapp

Zure kokalekua zuzenean

Beharrezkoa al da horrenbeste WhatsApp taldetan sartuta egotea? Galderak arrazoi bat dauka: aldaketa honekin taldeko edozeinek zure kokalekua zein den jakin ahal izango du. Taldeko profilak mapa bat irekitzeko aukera eskainiko digu eta, hala, taldekideen kokapena ezagutu.

Ez zaitugu larritu nahi, lasai. Aktualizatzean aukera hau desaktibatuta egongo da. Zu zeu izan beharko zara aktibatzearen arduradun.

Mezuak, irakurri aurretik ezabatu

Aurreko bi berrikuntzek eztabaida sortu dezaketen arren, azken hau besoak zabalik jasoko dute erabiltzaileek.

Oraindik irakurri ez diren mezuak ezabatzeko aukera eskainiko du aplikazioak; hala ere, badirudi, mezu bat bidali eta ezabatu denaren jakinarazpena jasoko duela erabiltzaileak.

 

Iturria: ComputerHoy

 

 

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkina idatzi nahi baduzu