Euskara ingurune digitalean

Zer egin behar da Irudimena lehiaketan parte hartzeko?

Irudimena2014-irudia-apaisatua

Dakizuenez, Irudimena lehiaketa dagoeneko martxan dago eta maiatzaren 16ra arte zuen ekarpenak jasoko ditugu. EKErekin batera antolatzen dugun lehiaketa honetan euskal kulturaren inguruko sormena sustatu eta saritu nahi dugu.

Batzuk galdetu diguzue nola hartu behar duzuen parte eta artikulu honetan pausuen deskribapena egingo dugu.

Kategoriak 

Lehiaketan hiru kategoria ezarri ditugu: soinua, irudia eta testua.
Parte hartzaile bakoitzak nahi beste kategoria eta lan aurkeztu ditzake. Eta kategoria bakoitzaren barruan, lan bakoitza nahi duen estilo eta formatoan sortzeko aukera daukazue baita ere; alde honetatik guztiz libre da. Hemen ideia batzuk:

  • Soinua: zure lana soinua, musika, kanta, soinu elektronikoa… izan daiteke.
  • Irudia: collage, argazkia, orma-irudia, 3Dan egindakoa, ilustrazioa, muntaia, graffitia, eta abar.
  • Testua: narrazioa, ipuina, olerkia, txioa, mikro-ipuina, eskutitza…

Beraz, ikusten duzuenez, askatasun osoa dago. Beraz, sormena astindu eta ekin!

Parte hartu ahal izateko pausuak

  1. Soinu bat aukeratu: 9 soinu eskaintzen dizkizuegu. Hemenguztiei buruzko informazioa eta soinu bera entzun dezakezue, baina hau da zerrenda:
    1. Talai dantza
    2. Xiberotarrak
    3. Kulturetxea prestatzen
    4. Nerbioi ibaian arraunean
    5. Belarra mozten
    6. Euskarazko kontakizuna
    7. San Sebastian martxa
    8. Agate deuna bezpera
    9. Xare jokoa
  2. Pentsatu eta irudimena erabiliz, hiru kategoriaren bateko lan berria sortu.
  3. Zure lana lehiaketan kontutan hartuta izan dadin, inprimaki hau bete guri helarazteko.

 

Eta listo! Zure lana argitaratua izango da eta ekainaren 7an ospatuko dugun jardunaldi eta sari-banaketa ekitaldian irabazleetariko bat izan daiteke.

Beraz, zorte on!

 

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

2 iruzkin

Iruzkina idatzi nahi baduzu