Aste honetan ‘F2P Campus Vitoria-Gasteiz’ hasi da, munduko Free-to-Play bideo-jokoen nazioarteko azeleratzaile nagusia, eta sei talde hautatu dira bertan parte hartzeko: Málaga, Bartzelona, Txekiar Errepublika, Ukraina, Hego Korea eta Euskadi.
Hurrengo hiru hilabeteetan, aukeratutako sei talde horiek bideo-joko mota horietako nazioarte mailako aditurik onenen laguntza izango dute beren proiektuak bihurgarritasun eta negozio aldetik hobetzen laguntzeko; besteak beste, honako hauek izango dira: Kim Krogh (Suediako King estudioetako, alegia, Candy Crush-en sortzaileen estudioetako zuzendarien arteko bat), Stephane Assadourian (Assassins Creed sailaren sortzaileetako bat) edo Eugene Yailenko (CATS edo Cut the Rope 2 jokoen diseinatzailea, besteak beste).
Aditu horiek, gainera, hitzaldi irekiak emango dituzte interesatuta dauden guztientzat: profesionalentzat, enpresentzat, ikasleentzat, eta abarrentzat. Hitzaldietara joatea doakoa da eta ez da aldez aurretik izenik eman behar. Saioak denak ingelesez izango dira eta Vitoria-Gasteizen egingo dira, Artium Museoan.
Dagoeneko lehenengo datak konfirmatu dira eta programa osoa F2P Campuseko webgunean eguneratuko da.
