Zer eskaintzen du Eusko Mangak?
Blog batetik webgune batera salto egin genuen, itzultzaile gehiago bildu zaizkigu taldera eta kapitulu mordoa itzuli dira.
Onartu beharra dago hasiera ez zela oso erraza izan, baina merezi izan duela baieztatu dezaket.
Hala ere, egun hau EuskoMangako itzultzaileei eskaini nahi diet. Baita bidaia ikaragarri hau gurekin partekatu duzuen eta jarraitzen gaituzuen guztioi ere. Zuek gabe hau guztia ezinezkoa litzateke!
Blog batekin hasi eta egun hainbat baliabide biltzen dituen webgunea daukate:
Animea
Hainbat saio eta pertsonai ezberdinei buruzko informazio osoa, ikusi eta deskargatzeko aukera. Bakoitzaren fitxa teknikoa eta deskargatzeko aukera ezberdinak agertzen dira.
Manga
Manga bilduma ezberdinak eskuragarri, euskaraz: Dragon Quest – Dairen abenturak, Altzairu Alkimista, One Piece, Death Note, Rabbit Doubt…
Tutorialak, artikuluak, edukiak eta abar
Foroan hainbat gai lantzen dituzte. Zabalik dago gainera, edonork parte hartzeko.
Bideoak
Deskargatzeko hamaika abentura ezberdinetako bideoak.
Laguntza eske! Animatuko zara?
Taldeak laguntza behar du eta agian zu prest egongo zinateke bertan parte hartu eta kolaboratzeko.
Animea eta manga euskaratzeko prest dagoen jendearen bila dabiltzate. Animeren bat azpititulatu, mangaren bat itzuli… Gauza mordoa dago egiteko.
Esperientziarik ez da behar, beraiek irakatsiko dizutelako jakin beharreko guztia.
Behar duten gauza bakarra jarrera da, lanerako gogotsu egotea.
Beraz, badakizu, interesatuta egonez gero, foroan sartu edo azpian agertzen diren kontakturako modutan eta aurrera!
EuskoManga jarraitzeko
Hemen dituzu talde honen edukiak ikusi eta jarraitzeko zenbait baliabide:
Mota honetako saio eta edukiak atsegin badituzu, altxorra deskubrituko duzu Eusko Mangan. Eta, noski, zorionak egileei!
