Euskararen Etxea

Euskararen Etxea hilaren 23an, larunbata, zabalik

IMG_0183

Badakizue Euskararen Etxean Euskararen Interpretazio Zentroa dagoela eta hau bisitatu daitekeela.

Ikastetxeak izaten dira gehien bat bisitan datozenak, taldeka euskararen inguruko edukiak ikasi eta praktikatu egiten dute tailer batetan. Tailer honek, gainera, euskara eta teknologien inguruko gaiak lantzen ditu.

Baina publiko orokorrarentzat zabalik dago Euskararen Interpretazio Zentroa  baita ere. Aste bitartean hurbiltzeko aukera izatea zaila izan daitekeela badakigu eta, horregatik, larunbatetan goizez zabaltzea ere otu zitzaigun.

Euskararen Etxera bisitak sustatzeko komunikazio kanpainaren pieza bat

 

Hilean larunbata batez Euskararen Etxeko ateak zabaltzen dizkiogu publiko orokorrari. Bisita gidatua edo autonomoa egiteko aukera dago.

Bisita gidatua hiru txanda ezberdinetan egin daiteke, eta euskaraz edo gazteleraz:

  • 10:15etan – Gazteleraz
  • 11:30etan – Euskaraz
  • 12:45etan – Gazteleraz

Begiraleak euskararen inguruko gai nabarmenenak lantzen ditu: historia, euskalkiak, aberastasuna, bilakaera, euskararen jatorriaren inguruko teoriak, hitzen jatorria, eguneroko egoera… Guztia bisitarien interes eta ezagutza mailara moldatuta eta teknologiaz lagunduta, edukiak pantaila elkar eragile ezberdinetan ikusten baitira.

Hilabete honetan zabalik izango dugun goiza azaroaren 23koa izango da.
Ateak zabalik daude zuentzako eta bisita doakoa da.

Etorri nahi duzue? Zer egin behar da? Honako inprimaki hau bete, besterik ez.

Itxaroten zaituztegu, animatu eta etorri!!

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkina idatzi nahi baduzu