Euskararen Etxea

Belatz taldeak disko berria aurkeztuko du Euskararen Etxean

Azkue Fundazioak sustatutako Banden Lehia saria jaso zuen 2018an Belatz taldeak (Gernika, 2015). Garaipen horren emaitza Hotz egin duen arren izenburuko bigarren lana da, zeina ostegunean aurkeztuko duten gernikarrek, Bilbon, Euskararen Etxean, 11:00etatik aurrera.

Diskoa Baga Biga diskoetxeak ekoitzi du. Zigilu horren arabera, “Belatz oratzaile trebea da, rocka esku askotan utzi du: poparen erraztasunean, grunge leunenaren ukituetan, rock gogorraren atzaparretan, elektronikaren tantetan, baladaren gozotasunean, rock trinkoaren ziztadetan, rock amultsuaren besoetan”.

Horrekin batera, 2018ko Banden Lehiaren bigarren saria jaso zuen Zizel (Azkoitia, 2015) taldeak bideoklipa aurkeztuko du.

Azkenik, Azkue Fundazioak Banden Lehiaren 10 urteko ibilbidea biltzen duen musika-bilduma aurkeztuko du, zeina bandenlehia.eus webgunean txertatuko den.

belatz

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkina idatzi nahi baduzu