Banden Lehiako finalistak sakonago ezagutzen gauden honetan, laugarren eta azken taldea falta zaigu, Izeberg taldea hain zuzen ere.
Izeberg taldeko kideak jatorri ezberdineko haize boladek elkartu dituzte norabide berean. Norberaren taldeko iparrorratza aldatu eta estilo berri bati ekin diote. Mendeku Itxua, Hotzikara eta Odolaren Mintzoa taldeetako izotz zatietatik osatu dute heuren izeberga eta 2013ko martxotik aurrera forma hartzen joan dira.
Taldekideak
- Jokin Irastorza Larrañaga (Bateria)
- Beñat Urteaga Larrañaga (Baxua)
- Ixak Arruti Aranburu (Kitarra + Ahotsa)
- Antton Aranburu Illarramendi (Kitarra)
Izeberga bultzatzen zuten korronteak hasiera batean nahasiak baziruditen ere, konturatzerako aurkitu zuten heuren bidea eta eskukada bat kantu zituztenean grabatu zuten Azalera izeneko diska. Pare bat urte kontzertuetan eta lokalean lanean ibili ondoren etorri da bigarren lana, Lurrik ez begi bistan.
Doinu gaziak eta melodia gozoak nahasten diren uretan dabiltza ustekabean finkatutako noraezean, ea zer topatzen duten musikaren itsaso zabal horretan.
Zer nolako musika egiten duten jakinmina baduzu, hemen aurrerapen bat:
Azaroaren 25ean Izeberg taldea zuzenean entzuteko aukera izango dugu Banden Lehiako finalean. Animatu, sekulakoa izango da!
Taldea jarraitu
- Izebergen profila Banden Lehian
- Izebergen profila Katapulta plataforman
- Izeberg Facebooken
- Izeberg Twitterren
- Izeberg Youtuben
- Izeberg Bandcampen
