Gurekin parte hartu nahi?

Azkue Fundazioan Komunikazio eta marketin teknikari bat behar dugu

kurrikuluma-bidaltzea

Azkue Fundazioan Komunikazio eta marketin teknikari bat behar dugu, aldi baterako amatasun baja bat ordezkatzeko. Euskalgintzan lan egiteko aukera paregabea, euskara eta teknologiaren erabilpena uztartzen dituen lanpostu batean. Komunikazio ikasketak eta esperientzia badituzu eta kudeaketa eta sare sozialen erabilpenean eskarmentua, hauxe izan daiteke zure aukera. Animatuko zara?

 

ordenagailua

Amatasun baja baten ordezkapena egiteko, aldi baterako lanpostua eskaintzen dugu.

Lana, Euskararen Etxean, Bilbon, burutuko da eta jornada osorako da.

Inoiz euskalgintzaren alorrean lan egin nahi izan baduzu, orain duzu aukera. Lana benetan polita dela, sormen handikoa eta motibatzailea. Oso aldakorra, hainbat gauza egiten ditugulako eta oso ezberdinak.

Hemen deskribatzen ditugu lanpostuaren nondik norakoak. Eta kurrikuluma helarazteko animatzen bazara, behean dituzu oharrak.

Euskararen-Etxea

Lanpostuaren helburua

Azkue Fundazioko eta Euskararen Etxeko komunikazio eta marketin alorreko lan ildoak finkatzea, garatzea, kudatzea eta ebaluatzea eta erakundeak bere misioa lortu ahal izateko, dagozkion zerbitzuetan laguntza teknikoa ematea.

Eskaintzaren deskribapena

Azkue Fundazioan gure erakunderako eta Euskararen Etxeko komunikazio eta marketin alorreko lanak betetzeko teknikaria behar dugu.

Hauek dira kontuan hartuko diren ezaugarriak:

  • Komunikazio Zientzien ikasketetan lizentziatua.
  • EGA tituluduna eta euskarazko gaitasun osoa. Lana euskaraz burutzen da.
  • Antzeko lanetan aritu izana. Gutxienez hiru urteko esperientzia komunikabide, euskararekin erlazionatutako erakundetan edo komunikazio agentzietan.
  • Sare sozialen kudeaketa eta erabilpenean eskarmentua.
  • Lana antolatzeko gaitasuna, dinamikoa.
  • Curriculuma eta erreferentziak.

Funtzioak

  • Azkue Fundazio eta Euskararen Etxeko komunikazio eta marketing estrategien garapena.
  • Euskararen Etxeko arlo guztietako eguneroko kudeaketa: gai administratiboak, bisitariak, edukien garapena, kultur ekintzen agenda antolatzea…
  • Azkue Fundazioaren egitasmo ezberdinen kudeaketa: edukien sorrera, webguneen mantentzea, lehiaketak, ekitaldiak, jardunaldiak…
  • Sare sozialen kudeaketa: edukiak zabaltzea, erantzuna ematea, txostenak, analitika…
  • Edukien erredakzioa (webgune eta blogak, prentsa oharrak, postak, txostenak …)
  • Diseinu arloko beste lan batzuk: iragarkiak, bannerrak eta beste diseinu lanak.

Azkue Fundazioaren teknikariaren lana

Baldintzak

Lan baldintzak, berriz, honakoak dira:

  • Jornada osoko lanpostua da, Bilbon kokatuta dagoen bulegoan, Euskararen Etxean.
  • Lanean hastea berehalakoa izango da.
  • Lan kontratua aldi baterako izango da, amatasun baja baten ordezkapena egiteko.

SareSozialetan

Epeak eta oharrak

  • Kurrikulumak jasotzeko azken eguna: maiatzaren 1a.
  • Kurrikuluma bidaltzeko: posta elektronikoz helarazi eta bi modutan egin zenezake:
    • Posta elektronikoa idatzi info@azkuefundazioa.org helbidera eta zure kurrikuluma erantsi.
    • Nahiago baduzu, zure LinkedIn edo antzeko beste plataforma batetako esteka bidali posta elektroniko baten bidez, info@azkuefundazioa.org helbidera.
  • Lehenengo sailkapen bat eginda, elkarrizketa bat egiteko hitzordua lotuko dugu zenbait hautagaiekin. Baina aurkeztutako guztiek prozesuari buruzko informazioa jasoko duzue.

Animatzen bazara, badakizu, zure kurrikuluma bidali maiatzaren 1a baino lehen.

Zure zai gaude!

 

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkina idatzi nahi baduzu