Berrikuntza teknologikoak

Agur, SIM, agur

sim

Telekomunikazioaren arloan aro berri bati hasiera eman zaio: SIM txartela berehala desagertuko da. eSIM izeneko txartel elektroniko berriak abantail eta aldaketa nabarmenak erakarriko ditu, jardueran eta baita kudeaketa eta negozio arloan baita ere.

 

SIMa, orain arte ezagutu dugun txartel formatuan behintzat, desagertuko da laster. Telekomunikazio konpainiek, bai operadore eta bai fabrikatzaileek, euren historian izan duten aldaketarik nabarmenena biziko dute.

GSMA erakundeak jada iragarri du eta ez dago atzera bueltarik. Erakunde honek mundu osoko mugikor operatzaileak ordezkatzen ditu.

Zelan ordezkatuko da SIMa?

SIMaren ordez eSIMa edo txartel elektronikoa sortu da: gailuan bertan, bakoitzean, ekoizpen prozesuan sartuko den txip finkoa da. Mota guztietako gailuetan jarri beharko da: wearable, smartwatch, kotxe, tablet eta laster telefonoetan baita ere.

Honek aldaketa izugarriak sortaraziko ditu eta horregatik berriak eragin handia izan du. eSIMari esker, erabiltzaileok erromotoan gure gailuko SIMa aktibatu ahal izango dugu. Honi esker, tarifa bakar bati hainbat gailu ezberdin gehitu ahal izango dizkiogu eta sare mugikorretara segurtasunez konektatu. Wearable deritzonak gure tarifari lotzeko aukera izango dugu eta gauzen internetari etekin handiagoa atera.

GSMAren esanetan, honek ez du esan nahi SIMa zuzenean ordezkatu nahi dutenik, baizik eta erabiltzaileei aukera gehiago eskaintzea da helburua, esan bezala tarifa bati gailu gehiago lotu ahal izateko, eta gailuak sortzen dituzten ekoizleek ere modelo txiki eta arinagoak sortzeko aukera izango dute.

SIM2

Aldaketa bi fasetan emango da

Aldaketa nabarmena da arlo guztietan, gailu guztietan moldaketa egitera behartzen duena, eta horregatik bi pausutan bideratuko da:
  • Wearable, tablet eta kotxeetan aipatutako txipa sartzea.
  • Bigarren epe batean, uda ondoren, smartphonetan egingo da aldaketa.

Zein aldaketa erakarriko ditu?

eSIMak profila ezberdin ugari izateak ahalbidetuko du, hau da, bezero eta operatzailearen artean hainbat kontu egotea.
Profila ugari egongo direnez, operatzaile bat baino gehiago aurretik kargatzea posible izango da, nahiz eta aktiboa dagoena bakarra izan. Honek erakarriko du konpainia ezberdinen arteko portabilitateak azkartasunez kudeatu ahal izango direla, kudeatzaile bakoitzaren SIMa ez delako beharrezkoa izango.

Beste aldaketa ugari sortuko dira:

Mugikorrak saltzen diren dendetan lan gutxiago izango da. Eta honek telekomunikazio arloko saltokietan zerbitzu eskaintza aldaketa sorraraziko du.

Denda hauetako saltzaile eta langileak askoz ere adituagoak izango dira.

Bezeroen kudeaketa online egingo da ia osotasunean.

Roaming deitutakoaren kostuek behera egingo dute: bezero batek profila ezberdinak izateko aukera badu, bidaiatzen duenean bertoko operatzailea bilatu eta tokiko tarifara lotzeko aukera izango du baita ere.

 nano-sim
Beharrezkotzat jotzen zen aldaketa da, gauzen internetaren garapena baldintzatzen zuena.
Hiritarrak, bezerook, izango gara etekin handiena atera ahal izango diogunak. Imajinatzen duzue zer izango den norberak bere kontua zuzenean kudeatzea?

Iruzkinak


Gure artikuluak zuzenean zure postontzian jaso nahi dituzu?

Nola jaso nahi dituzu artikuluak postontzian?

Iruzkin bat

Iruzkina idatzi nahi baduzu